அட்சயபாத்திரம்.

அம்மா

கிடுகு இழைத்த

ஒற்றை பத்து ரூபாய்

சேனையூர் ஆற்று

மணலை மீனுக்கு

சரியாய் போனது.

மணக்க மணக்க ஆணம் வைத்து

மனசு நிறய அள்ளி வைப்பாள்.

குட்டி தங்கைக்கு சினைத்துண்டு

தம்பிக்கு பிடிச்ச பொக்கணி

அக்காவின் தலைப்பங்கு

நடு தங்கைக்கு நடுத்துண்டு

வயிறும் வால்துண்டும் எனக்கு.

எங்கள் தட்டை தன் பட்டினி கொண்டு

நிரப்புவாள் அம்மா.

எப்போதும் தனக்கென்று

வைத்துருப்பாள்

பசி  இல்லா ஓர்

அட்சய பாத்திரம்.